Bandwagon of Victory for Kristine, the Berberabes as latest addition

Kristine is endorsed by Vice Mayor Jun Berberabe

When would-be Mayor Kristine Balmes turned 41 last Sunday, April 24, I was thinking of writing about her coming of age - at such a young age, she will be our new Mayor, no doubt about it. 

But then I saw the picture of Vice Mayor Doc Jun Berberabe raising her hand which is a manifestation of his belated support, and I thought of changing my topic to "the coming to senses of Doc Jun."

I am not angry with Doc Jun. I do not personally know him, my interactions with him were limited to hi and hello, but I have always argued that he should have openly supported Kristine earlier on that is why my immediate comment was "huli man at magaling, pwede na rin."

But before jumping for joy because he is finally supporting our cause, let us first try to dissect his motives:

1. Ang pagsuporta kay KB ay mangangahulugan ng mas maraming boto para sa kanya. Hindi nya ito kailangan dahil sigurado na ang panalo nya maski isang boto lang dahil iisa syang kandidato sa pagka-vice mayor. Subalit ang maraming bilang ng boto ay magiging basehan para sa susunod na halalan, lalo na kung mas mataas na di hamak sa boto ni Kristine. 

2. Sa isang banda, dahil mabait daw naman talaga si Doc Jun, sabihin nating bukal sa loob ang kanyang pagsuporta. So be it, pero sa ganang akin, wag na rin natin syang bigyan ng maraming boto, tutal ay panalo na.

3. Sa lahat ng ito, si Danilo Berberabe o Danber ang makikinabang dahil ang suporta ng mga Berberabe kay KB ay magpapalambot sa mga hard core anti-dynasty. Sa totoo, marami akong nadidinig na mas lamang pa si Danber sa survey keysa kay Marvey Mariño. 

FB meme from Mikoy Abaya

This election will be the most expensive and most humiliating defeat for the Dimacuhas and Mariños. Sobra na ang paggastos at lantarang pamimili nila ng boto, na sinasamantala naman ng marami, subalit palihim silang nililibak dahil sa wakas "nakakaganti" na sila. Bumabaha ng pera at Mariño Privilege Cards sa lahat ng dako sa Batangas City pero ano pa at pabagsak naman ang survey rating nilang mag-asawa ni Beverly (BADM). Sa Sta. Rita nga, bumagsak pa sila sa ikaapat na pwesto. Kaya asahang ang tig-P300 ipit sa privilege card ay tataas pa.

Red Team

What is there with Kristine that she has become a rallying point against the 28-year rule of the Dimacuha dynasty? Palagay ko simple lang - unassailable ang character nya - wala kang maipupula. Matalino, magaling magsalita, may kakayahan, may paninindigan (at noon pa nya yan ipinapakita), may pangitain o vision para sa bayan, at higit sa lahat, may konek (charm) sa tao. 

If I were the Dimacuhas, I will take the belated graceful exit by withdrawing the candidacy of Beverly for Mayor. Si Mariño? Bahala na si batman, talo rin yan

Mananalo si Kristine Balmes, Part 2

Sa unang bahagi sinabi ko na mananalo si Kristine Balmes bilang bagong City Mayor ng Batangas City dahil sa (1) dami ng nakakaalam na hindi na si Eddie Dimacuha ang nagpapasya para sa kanyang pamilya dahil kontrolado na ito ng manugang na si Marvey Mariño na mistulang hayuk na hayok sa kapangyarihan kaya seniguro na silang mag-asawa ni Beverly ang kokontrol sa siyudad; (2) may nagkukumpirma ng sikretong ito sa publiko sa katauhan ni Philip Baroja, 22 taong alalay ni EBD; (3) 4 sa limang kandidato sa pagka-congressman ay dala si Kristine, maliban kay Marvey na sarili ang dala; at (4) ang malakas na suporta ng Simbahang Katoliko kay Kristine na hindi pa nangyari sa lokal na halalan.

Sa aking pagpapatuloy, napag-alaman ko na ang totoo palang may akda ng pag-utang ng P 1 Bilyon sa Land Bank ay pakana rin ni Marvey Mariño, at sa kung anong bato-balani ay sunod-sunuran sa kanya si Reginald Dimacuha o RD na syang proxy mayor ng ama (tagapirma o tagapagpapirma sa ama). Maraming haka-haka kung bakit uutang ng ganyan kalaking halaga, gayong kung siningil lamang ang Keilco at JG Summit sa kanilang mga utang sa buwis ay higit pa riyan ang halagang makukolekta ng Lungsod.

Bakit kailangang umutang kung hindi naman kailangan? Maaaring binalak ng may-akda ng pag-utang na magkaroon ng limpak na cash upang gamitin sa halalang ito. Hindi na sana nagalaw ang kanilang naisantabing P .5 bilyon, na ngayon ay syang ipinanghahambalos kaliwa’t kanan para bilhin ang boto ng mga Batanggenyo.

Muling ginagamit ni Marvey Mariño ang “political capital and stock” ni EBD upang ipanalo ang sarili bilang congressman at si Beverly sa pagka-Mayor. Nauna ko nang isiniwalat batay sa isang mapagkakatiwalaang source na wala sa katinuan nung igiit ni Marvey na si Beverly ang humalili sa amang may malubhang sakit. Nakakapag-isip na kung bakit ang isang napakatalino at tusong si EBD, sampu ng kanyang pamilya ay naisahan ng isang dayo.

Isang “phenomenon” si EBD sa pulitika. Tumagal sya ng higit pa kay Marcos (20 taon) samantalang si EBD ay 28 taon. Nagawa nyang pakainin sa kanyang palad at gawing mga mamalimos (mendicants) ang maraming Batanggenyo; at sumampalataya ang mga elite (mga Pastor, etc) at middle class sa kanya. Nagawa nyang palakihin ang kabuhayan ng kanyang pamilya, mamimili ng maraming ari-arian at itago ito sa pangalan ng iba’t ibang kamag-anak, kasambahay, alalay, at mga karelasyon, ayon sa aking isa pang source. Sa kabila ng mga balitang maraming empleyada ng city hall ang hindi nya pinatawad, nanatili siyang tinitingala, iginagalang o kaya ay kinasisindakan ng napakarami. Sa kabila ng maraming isyu laban sa kanya, tila madali syang napapatawad ng mga tao. Sa katunayan, kung hindi sya napalitan ni Beverly, aani talaga ng boto mula sa “talagang Dimacuha ang palaging ibinoboto ng pamilya namin” na mga taong sa hindi maipaliwanag na dahilan ay sumasamba na sa kanya.

Ginamit ni EBD ang napakalaking resources ng syudad para ipamarali sa tao na sa kanya galing ang mga programa sa kalusugan (EBD Cards), ayuda sa pag-aaral (EBD scholarships), at mga serbisyong panlipunan gaya ng Barangay Action Team, mga pagawaing-bayan na ipinangalan nya sa sarili gaya ng mga EBD Type School Buildings, atbp. Isang systematic EBDism ang kanyang ibinaon sa kaisipan ng mga mamamayan dahil saang sulok ka man tumingin, puro EBD ang pangalan ng mga bagay na natatatanggap sa gobyerno, kasama na ang medalya ng pinakamatatalinong batang nagsisipagtapos sa pag-aaral. Si EBD para sa maraming kabataan ay tila isang permanenteng kagamitan (fixture) sa city hall. EBD has become synonymous to Batangas City that his name is imprinted even bigger than the name of the city.

He knew everything that was going on in his city, no exemption. He knew who among the businessmen were raking in money and knew how to make them bow to his wishes. He knew too well the weaknesses of his enemies that he could force them to bow down before him (remember Wawing Chavez and Flor de Loyola?)

Ailing Dimacuha

But that was before he became very sick. Ngayong may karamdaman na sya, isang oportunistang manugang naman ang nagsisikap na isuot ang sombrero ni EBD. Isang manugang na inaaakalang maloloko nya ang  mga Batanggenyo at tatanggapin na lamang ang kanyang mga mainobra at manipulasyon. Isang oportunista na kung makakapwesto ay siguradong babaguhin ang lungsod sa hindi maganda.

Sabi ng aking source, kung mananalo si Beverly, lalo na kung pati si Mariño, uunahin nilang i-overhaul ang city hall. Lahat ng department heads ay papalitan. Maraming empleyado ang isa-shuffle at maglalagay siya ng mga taong tOn the pretext of RD’s unpopularity, even him will be axed. He will run the affairs of the city, in full control, since the wife cannot say no to him.

apat at sunod-sunuran sa kanya.

Ang kaso, nangangarap sya ng gising dahil pareho silang matatalo. Mauubos ang kanilang pondo, pero hindi na nila maloloko ang tao.

As regards EBD, either you hate or love him. But he is finished. History will tell us whether his phenomenon is something we should be proud or ashamed of.

Bauan’s continuing saga: Will it be the Achilles heel of Dodo Mandanas?

Marami ang nakakaalam na may kakaibang pulitika sa Bauan. Naging isa na itong political dynasty ng may 18 taon, kung saan ang dating kaalyado (tinulungan nang matagal na panahon noong talunan pa) na pamilya ni Hermie Dolor ay lantarang dumidiskampanya kay Governor Dodo Mandanas, taal na anak ng Aplaya, Bauan.

Maging ang “anointed successor” ni Ka Dodo sa pagka-congressman na si Raneo Abu, manugang sa pamangkin ni Dolor ay matagal nang hindi sumusuporta sa nagpalaki sa kanya na si Ka Dodo. Marami ang hindi magandang salitang binibitiwan nya laban kay Ka Dodo sa mga staff at nakakausap nya. Maaalalang si Abu ay dating staff ni Ka Dodo sa kapitolyo hanggang sa kongreso. May mga alingasngas pa nga na si Abu ang humaharap sa mga kontratista ng mga pet projects ni Ka Dodo, kung saan ipinakikilala nya ang sarili bilang Chief of Staff ng dating kongresista at balitang nangungumisyon, pero makailang beses na inihayag, ayon sa aking mapagkakatiwalaang source, na napunta kay Mandanas ang mga ito.

Hermie Dolor

Ngayon na muling naglalaban sina Atty. Johnny Magboo at Dolor, kung saan pangita ang lakas ng oposisyon sa Bauan, inasahan ng marami na maski kumakandidatong independent si Ka Dodo ay papanig na sya sa oposisyon. Subalit naging matigas ang kanyang paninindigan na wala syang papanigan.

Si Achilles sa Greek mythology ay isang halos perpektong mandirigma. Ang kanyang lakas ay katumbas ng isang hukbo na gaya ng lakas ni Ka Dodo sa pulitika sa Batangas mula nang sya ay manalo bilang Gobernador noong 1995 at hindi pa natalo. Subalit si Achilles ay may isang kahinaan at iyon ay sa kanyang “heel” o sakong. Nang malaman ito ng kanyang mga kaaaway, iyon ang pinuntirya at nagawa nilang patayin si Achilles.

Sa Bauan, matindi ang mga patayan, panggigipit sa kritiko, pagwasak sa mga mahahalagang “heritage” edifice gaya ng munisipyo at municipal plaza, balak gibaing daang taon na Bauan East Central School, pagbebenta ng mga public utilities gaya ng supply ng kuryente at tubig na nagresulta sa mataas na singil, at korupsyon. Naghanap ng kalinga ang oposisyon kay Ka Dodo, subalit sila ay nabigo.

Lantarang dinadala nina Dolor at Abu si Mark Leviste (kampo nina Recto at Roxas) na kalaban ni Mandanas. Kamakailan, nilapitan na rin ni Dong Mendoza (kampo ni Poe) ang oposisyon na naging dahilan ng kanilang pagsasama. Ngayon ay ikakampanya nina Johnny Magboo si Mendoza sa pagka-gobernador.

Ano ang epekto nito sa pulitika sa Bauan?

1.       Wala kay Mandanas – mananatiling malakas si Mandanas sa Bauan kung saan tinitingala sya bilang natatanging anak ng Bauan. Sa aking pananaw, nakabuo na si Mandanas ng isang personality cult sa Bauan kung hindi man sa buong Batangas, na parang isang “infallible politician” na di maaaring magkamali maski marami ang naguguluhan sa ilan nyang desisyon. Maaaring ang imahe nyang hindi corrupt ang isang magnetic shield nya sa lahat ng isyu.

SSi Vice President Jojo Binay na may ugat sa Bauan ay maaaring i-endorso ni Mandanas. Sa Bauan, lalo itong magpapalakas sa kanya, subalit hindi natin masabi sa buong lalawigan sa harap ng isang personality cult na nabuo naman ni Rody Duterte, ang lumilitaw na pinaka-popular na kandidato sa pagka-Pangulo sa Batangas kung social media ang susukatin.

SSubalit hindi natin masabi na kung magsalita na si Mandanas ng pabor kay Binay ay maaaring magbago ang ihip ng hangin sa argumentong “iba ang sariing atin.”

2.       Kawalan kina Dolor at Abu – ang lantarang paninira kay Mandanas ay kawalan nila sapagkat nagpapakita ito ng kawalan ng pagtanaw ng utang na loob, isang mataas na uri ng katangian ng mga Batanggenyo.

3.       Wala kay Magboo – mananatili ang moral ascendancy ni Magboo bilang isang tunay na oposisyon sa Bauan. Ang kanyang pagdadala sa kampo nina Mendoza at Poe ay isang plus factor, dahil sa popularity ni Poe sa kabataan. Alam naman ng marami na mataas ang respeto ni Magboo kay Mandanas kaya mauunawaan nila ang kanyang pag-endorso sa ibang kandidato dahil kay Mandanas naman nagmula ang pasyang walang i-endorso sa pagka-Mayor sa Bauan.

The unfolding political development in Bauan s worth watching.

Now it can be told: Kristine Balmes is winning, hands down

Mananalo si Kristine Balmes. This is my fearless forecast, based on many grounds:

Isang lumang larawan ng bata at malakas pang si EBD
ang ginagamit para linlangin ang publiko na si BADM ay totoong
pinili ng ama para lumaban sa pagka-mayor

1.       The Dimacuha family is politically hostage by a military strategist in the person of its own son-in-law, Marvey Mariño. Sabi ng aking un-impeachable source, kung nagulat ang maraming lider ng mga Dimacuha sa biglang pag-switch kay EBD ni Beverly Abaya Dimacuha-Mariño (BADM), maski raw si Eddie Dimacuha ay mukhang nagulat, at napaiyak pa kung paano nagkaganon (mukhang pina-oo raw ang may malubhang sakit na matanda noong panahong wala syang kakayahang magpasya ng matino or tinatawag na non-lucid moments).

My mole told me that Marvey Mariño assured the family that he will protect them against feared deluge of criminal and administrative cases as soon as EBD’s term ends. In this way, Mariño has gained the upper hand, albeit, domination of family decisions. Kaya sya ang nasunod nang ipagdiinang si Beverly ang humalili sa ama sa pagtakbo sa pagka-Mayor, even knowing fully well that the wife is the most unqualified, if not the worst alternative. “Sinisiguro lang ni Marvey na maski matalo sya, mayor pa rin ang asawa nya at malaki ang say nya sa pulitika sa Lungsod,” bulong pa ng aking source.

Mukhang naisahan ang marami, at pag nalaman ito ng mga nagmamahal sa matanda, siguradong mag-iisip at lilipat ang suporta kay KB.

In the first place, maski naiirita ako, malambot si KB sa ex-byenang lalaki at nananatiling mataas ang respeto (uulitin ko, sa ex-byenang lalaki). Sabi nya noon sa akin, eh mabait daw naman at maasikaso si EBD sa apo nya kay KB, mas mabait pa keysa sa ama, hehehe).

2.       The falling out between the Dimacuha family and Philip Baroja is for real. Hindi ito palabas. Bagama’t  nananatiling loyal si Philip kay EBD, tinalikuran na nya ang ibang Dimacuha. Kaya pala nagresign si Ipe at nagpasyang tumakbo (may blessing syempre ni Palos), ay pinagsabihan sya ni Marvey na ‘HINDI NA NAMIN KAILANGAN ANG SERBISYO MO!” Aba nga naman, matapos ang 22 taon, ganun na lang yun? Paano nga ay may sakit na ang matanda at hindi na alam ang ngyayari.

Nag-umpisa pala sa ganito ang kwento: (1) Itong si Ipe nung tumatanggi na ang pamilya na magbigay impormasyon ukol sa karamdaman ng matanda ay nakahalata na malubha nga. Kaya nagsabi sya na malamang ito ang pinakamagandang timing para sa graceful exit ng mga Dimacuha sa pulitika. Magbigay-daan muna sa iba, magpaalam at sa ganun magiging maganda ang transfer of power. Syempre nagpanting ang tenga ng RD, ang sarap kayang maging proxy mayor!

(2) Matindi ang pagtatalo nina Ipe, RD at Deguito (clown city legal officer) dahil sa 21 pamilyang taga sitio Ferry na gustong ipa-demolish ni RD. Maaalalang si Ipe ang nangasiwa sa relocation ng may 3,500 pamilya sa Sta. Clara para bigyang-daan ang Batangas International Port project). Ang kay Ipe, maski 1 pamilya lang, hindi dapat magmukhang nang-aapi ang pamahalaan at kailangang bigyan sila ng matinong relokasyon. Hindi pabor si RD dyan, at syempre, second the motion ang walang sariling opinyon na legal officer. Again, walang alam ang matanda dito, at nakumpirma ito noong sumugod sa kanya ang mga taga-Ferry at nagsabing “walang magaganap na demolisyon.” Subalit ilang araw ang makalipas, nasa sitio Ferry si Deguito at nagsabing “wala nang magagawa” ang mga apektado kungdi umalis at kung hindi ay sapilitan silang ipapa-demolish ng city hall. (See how RD lords it over without his dad’s knowledge?)

Strong direct and subliminal message of the Church

3.       Suportado ng Simbahang Katoliko si Kristine. Kung hindi nyo halata, eh kayo laang ang hindi nakakahalata. Pwede yang itanggi ng Simbahan pero ang sagot ko ay “please don’t lie to me, hehehe.”

Hindi ko ito minamasama, sa halip ay lubhang paghanga ang masasabi ko na never in the 28-year history of the Dimacuha dynasty has the Church shown its resolve to call for “total change and new leaders” until now.  Kahanga-hanga. Sabagay kung si Archbishop Ramon Arguelles ay kinasisindakan sa kanyang bold and strong political statements against national officials, hindi kataka-takang sa sariling bakuran nya ay kasindakan ang kanyang matibay na paninindigan. It’s about time that the Church should stop waltzing with corrupt leaders!

4.       Kristine is the only choice and alternative. Lahat ng ayaw sa dynasty, automatic sa kanya (gaya ko). Lahat ng nagmamahal kay Eddie Dimacuha, dapat sa kanya, dahil minamanipula na sya ng manugang nya. Ginagamit rin lamang sya ng anak nyang si RD para maging panginoon sa lungsod, habang binabalahura nya ang lahat ng maganda (meron din at marami naman) na nagawa ng ama nya. Lahat ng empleyado ng city hall na hindi na masikmura ang sistemang inilagay ni RD at Marvey, palihim na suportado si Kristine. Lahat ng kandidato sa pagka-congressman, maliban kay Marvey, ay suportado si Kristine, kaya tama ang desisyon nya na WALA SYANG INI-ENDORSONG CONGRESSIONAL CANDIDATE, maski mabilis na nasunggaban ni Nani Perez ang kamay nya at naitaas sabay selfie.

Totoo, nandyan ang pandaraya, ang pangha-harass sa mga supporters ni Kristine, pananakot at pananakit. Nandyan ang lantarang panunuhol at pamimili ng boto. Pero walang panama yan sa nagpupuyos na galit ng tao. May hangganan ang lahat sa Mayo 9, 2016.

Wag maniwala na maski manalo ay hindi pauupuin si Kristine. Hindi talaga uupo yan, dahil TATAYO yan para sa bayan. Sino ga naman areng si Marvey para mas maging makapangyarihan sa sagradong boto ng bayan at sa batas ng Republika? Eh di sa kangkungan yan pinulot pag gumawa ng labag sa batas sa sandaling hindi nya tanggapin ang hatol ng  bayan.

The Author with KB, March 27, 2016

So the situation in Batangas City is ripe for Kristine to be the next City Mayor. She may not be perfect, she may have flaws and weaknesses, but SHE remains to be the best and only alternative. 

Malakas pa sa bagyong Nona ang pagtakbo ni Beverly

Photo meme from Mikoy Abaya

May mga impormasyon ang aking mapagkakatiwalaang bubwit – mas malakas pa sa bagyong Nona ang paghahayag ng kandidatura ni Beverly Abaya Dimacuha (BAD) – Mariňo  dahil yayanigin nito ang pundasyon ng Berberabe-Dimacuha dynasty.

Lantarang sasagpi at maghahayag na ng suporta si Doc Jun Berberabe (Vice Mayor) sa tropang pulahan ni Kristine G. Balmes (KGB). Sabi ng aking source, mas may pag-asa raw na tumupad si KGB sa pangakuan nila ni Doc, keysa sa matagal na inasam at inasahan nya sa kampo ng mga Dimacuha, na sa dakong huli

ay kapamilya pa rin ang piniling ipalit sa may sakit na puno ng dinastiya na si Eduardo o EBD.

Ano kayang pangakuan ito?

Kung anuman, ang pinakamahalaga sa ngayon ay putulin na ang paghahari ng pamilya ni EBD na halos 28 taon na. Napag-iwanan na ang dating pangunahing Lungsod ng Batangas, at mabilis na nauungusan  ng mga Lungsod ng Lipa at Tanauan. Maaaring susunod na ring maging lungsod ang Sto. Tomas.

Sabi nga ni Gob. Dodo Mandanas, ang Batangas City ay may kakayahang maging “most powerful city” dahil nandito ang mga planta ng kuryenteng nagsu-supply sa malaking pangangailangan ng Luzon. Dagdag pa nya, nasa may 70% ng supply ng pagkain, lalo na ng gulay, karne at itlog ang kontribusyon ng Batangas sa Metro Manila.

Bukod pa dyan ang international seaport na sa halip magamit sa malusog na komersyo ay nagagamit sa mga illegal na gawain tulad ng smuggling.

Ang turismo din  ng Batangas City ay napabayaan na dahil sa halip na ang Lungsod ang ipamalita, pa-epal na larawan ng mag-asawang Vilma at Eduardo ang mga naka-highlight sa tourism campaign kaya maraming turista ang “turned-off.” Ginagawa rin nilang promotional family affair ang kapistahan at sublian sa halip  linangin ang kulturang Batangueňo ayon sa maraming observers.

Sa halip, ang mga pinagtutuunan ng pansin ay mga pagkakakwartahang kasunduan sa pagtatayo ng mga kumpanyang sisira sa kalikasan at tao tulad ng itinutulak na coal-fired power plant ng JG Summit. Nakikipagsabwatan din ang administrasyong Dimacuha sa mga kumpanya gaya ng JG Summit Petrochemical at Keilco Ilian Power Plant upang hindi magbayad ng pagkakautang sa buwis na umaabot na sa tig-P 385 million o P 770 million,  habang iginigiit ng dinastiya ang pag-utang ng P 1 bilyon mula sa Landbank para umano paunlarin ang lungsod, gayong ang pagkakautang pa lamang ng 2 kumpanyang nabanggit ay mahigit 70% na ng sinasabing kailangang pondo ng pamahalaang lokal kung sisingilin lamang, pero bakit ayaw? Ano nga kaya ang kaugnayan ng anak ni EBD na ngayo’y proxy mayor sa abogado ng isa sa mga kumpanyang ito?

Photo meme from Noli Atienza FB account

Sa kabila nito, santambak na pagtataas sa buwis at mga taripa  ang isinisiil nito sa mga karaniwang mambubuwis tulad ng ipinataw na Ordinance No. 20 o  pagtataas ng real property taxes na bagama’t sinabi na  ng Department of Justice na ilegal  ay ipinatutupad pa rin sa  kabila ng pagtutol ng mga mamamayan.

Samantala, bumabaha ng suhol sa mga barangay at mga guro.  Saku-sakong semento,  di mabilang na yero, mga papasko  at iba pa ang ngayon ay ipinanghahambalos  ng administrasyon, kasabay ng pagpapatanaw ng utang na loob sa mga kabataang nakatatanggap  ng tulong pinansyal sa pag-aaral (scholarship) at mga mamamayang nabibigyan ng health card na tinatawag nilang EBD card gayong pondo  ng city government ang gamit. Mga programang kahit sinong Mayor, at kung mas tapat at may malasakit ay maaaring higit pa ang benepisyong pwedeng ibigay.

Kaya bagyo talaga sa kasakiman at pagkagahaman sa kapangyarihan na ngayon ay gagamitin ang bunsong anak na babae upang ipantapat sa malakas na kandidatura ni Kristine Balmes.

Sabi ng aking source, P500M ang budget nila para manalo ang mag-asawa. At kung sakali daw na kailangang mamili sa dalawa ay si Marvey ang ilalaglag nila. P100k per barangay captain na divided into 4 gives ang budget at utik-utik ibinibigay. Last Saturday, Dec 12, ay 2k ang bigay ni BAD M at 1k ang kay Marvey na papasko sa mga barangay kagawad. 2k naman ang sa mga secretary at treasurer ng barangay. Ang mga seniors ang pinaglalaanan nila ng pera ngayon kasi alam nila na sila ang kaya nilang i-sway pa. Ang mga public school teachers ay pinapasko din ng tig 3. Bumabaha  ng kwarta sa  lungsod!

Ang hindi lamang maintindihan ng marami,  bakit sa kabila ng kanyang lakas o drawing power, at sa dami rin ng palihim na nagbibigay suporta, bakit kailangang sumayaw  ng fandango ni Balmes sa mga Berberabe? Ganyan ba talaga ang pulitika , palaging “addition”  ang mahalaga?

Rejoinder:

May kagyat na reaksyon si Mayoral candidate Kristine Balmes:

“I haven't talked with him about any deals and why would I do such? How can I implement any plans and programs I have in a term of 3 years? That is impossible. Right now the city is facing so many problems and one of them is the lack of investors to increase the city's decreasing annual budget. If the loan pushes through together with the 750M that was supposed to be collected from JG Summit that turned out to be 95M, we have a shortage of 655M in our annual budget for 2016. These two alone is a problem that we need to address as soon as the next term begins. Add to that the funds for the 2 new councilors brought about by the creation of our own district.”

Ang kumakalat kasing balita at nakarating din sa akin ay nangako si Balmes na isang term lang sya kung mananalo para bigyang daan si Doc Jun B na sya naman ang mag-mayor. Pero lumlitaw na isa itong propaganda. 

Kaya unsolicited advice ko   kay Vice Doc Jun - come out in the open and unconditionally  support Ang Bagong Batangas. You are political genius no  more!

Pagtakbo ni Beverly, insulto sa Batangueňo

Beverly Dimacuha-Mariňo

The Dimacuhas have gone too low.

Adding insult to injury, the dynastic family is fielding its only and youngest daughter, BEVERLY DIMACUHA-MARINO as substitute candidate to the ailing Dimacuha  patriarch, Eduardo.

Bagsak sa sariling commissioned surveys sina RD at Dondon at lalo na si Vilma, at may kung sinong  nagdunong-dunungang nagmungkahi na gawing eksperimento o political guinea pig si Beverly at gamitin upang ituloy ang dinastiya. Hindi man lang na-consider  ang  sispsip  ng sipsip  na si Vice Mayor Doc Jun Berberabe na sa totoo lang  ay umasa sa  wala (pamangkin sya ni EBD).

Pero malamang  hindi lamang ito insulto sa mga  taga-Batangas City kungdi maging kay Beverly dahil obviously  bukod sa hindi na makapag-isip dahil nasa state of political panic  na ang pamilya, isusubo  nila  ang kanilang  bunsong unica hija sa  isang labang siguradong  magpapagulo sa tahimik nyang  buhay. Siguradong  pag-uusapan ang pagiging  asawa nya ni Marvey  Mariňo na kandidatong congressman at lilitaw na sugapa na sila sa kapangyarihan dahil  mag-asawahan na ang  gustong komontrol sa syudad.

Pag-uusapan rin ang  mga negosyong si  Beverly ang namamahala, kasama na ang Shell gas stations na kung  magbenta ng gasolina at krudo  ay wagas – mas mataas ng  hanggang 5  piso  kada litro kumpara sa mga gas stations sa mga kapit-bayan.

BAD Mariňo

Malaking insulto na nga ang pagsasamantala nila sa pagkalikha ng isang bagong congressional district para sa Lungsod sa pagtakbo ng manugang na si Marvey Mariňo, heto at naghain sila sa atin ng isang WALANG KAKAYAHAN at WALANG KWALIPIKASYON maliban sa kanyang pagiging anak ng dinastiya.

Yan  ang sakit ng mga dinastiyang pulitikal – kapit tuko, manhid sa damdamin ng bayan, at gahaman sa kapangyarihan. Ang mga taga-Batangas City ay dapat nang mag-isip nang mas malalim.  Totoong makwarta  ang dinastiya at gamit pa ang bentahe ng kontrol nila sa kaban ng bayan, subalit ang lahat ng iyan ay mababale-wala kung TAYO  AY MANININDIGAN.

Huwag  tanggihan ang mga suhol dahil galing din yan sa kaban ng bayan,  subalit tahimik na manindigan. Kailangan na ang pagbabago. Binabastos na tayo, matagal na, MAGISING NA TAYO.  Sa dinami-dami ng mahuhusay na Batangueno bakit kailangang SILA AT SILA NA LAMANG?

Ang boto natin  sa pagbabago sa  susunod na taon ay HINDI LAMANG PARA SA SA SARILI NATIN kungdi PARA SA MGA ANAK NATIN.  Ipamana natin sa kanila ang isang pamahalaang kumakatawan sa tunay na mitihiin ng Batangueno. Maging bahagi tayo ng kasaysayan ng pagbabago. TAYO NA SA BAGONG BATANGAS!

Isang bukas na liham kay Ka Pakito Castillo

Kgg. Abogado Bienvenido  “Pakito” Castillo

Bayan  ng Bauan, Batangas

Mahal kong Ka Pakito,

Huwag po sana ninyong isiping kawalang paggalang ang aking bukas na liham para sa inyo,  manapa’y tanggapin ninyo ito bilang isang pagmamalasakit ng isang kaibigan.

Kung naaalala  pa ninyo maraming taon na ang nakalipas noong kayo ay nakaupo pa bilang Mayor ng Bauan at ako naman ay isang mamamahayag pa sa radyo, dyaryo  at telebisyon, na bunga ng aking pagkilala sa inyong di  mapapantayang nagawa  para  sa  bayan ng Bauan, kayo ay natanong ko  “kung paano ninyo nais  maalala ng inyong bayan pag dating ng panahon na kayo ay retirado na  o  kaya ay lumisan na  sa mundong ito (lahat naman tayo ay doon patungo)? Inyong isinagot sa  akin na  tanging nais nyo  ay ang “maalala bilang isang Ama  ng Bayang pinaunlad ninyo sa loob ng mahigit 20 taon, mula  sa isang karaniwang bayan, naging primera clase, dinumog ng mga dambuhalang mamumuhunan na lumikha  ng libu-libong trabaho at lubos na nag-paunlad at  nagpatingkad sa kinang ng Bauan  sa kasaysayan  ng Lalawigan ng Batangas” (humigit kumulang sa ganyang mga  pananalita).

Sa inyong kapanahunan din nangarap at nagsikap upang maging isang Lungsod ang  Bauan na muntik nang natupad. Sa ngayon, naunahan na sya ng Tanauan, at baka maging ng Sto.Tomas.

Ka Pakito, sa inyong pagnanais  na siguruhin na may magpapatuloy ng inyong pamana o legacy, pinakandidato  nyo  bilang kahalili  nyo ang anak nyong si Kit noong 1998. Sa  kasawiang-palad  ay isang aksidente ang kumitil sa kanyang buhay sa  panahon ng halalan. Noong gabing nakaburol  ang inyong  anak,  natatandaan ko na dumalaw   ako sa inyo  at palibhasa’y malalim  na at unang gabi ng burol  (hindi pa gaanong nababalita), nagkaroon tayo ng panahon upang makapag-usap. Batid  ko  at kitang kita ang hapdi ng  inyong pagdadalamhati  sa  kasawian ng inyong  mahal na anak.

Kasunod naman noon ang isa  pang trahedya   -  ang pagkatalo ng inyong kandidatong ipinalit kay Kit, kung kalian nag-umpisa ang pamumuno ni  Hermie Dolor  kasunod  ng halalang iyon.

Bago  ang trahedyang ito, dahil  tayo ay naging magkaibigan,  at itinuring ko kayong isang ama na mahihingan ng payo, madalas  akong  pumapasyal sa  inyo upang  maghinga ng mga problema ko noon. Kayo  rin ay  naghihinga sa  akin  ng inyong pananaw  at sama  ng loob. Inakala pa ninyo  noon  na si Gobernador Dodo Mandanas  na  sumusuporta sa inyong  kalabang  si  Hermie Dolor ay nagnanais na  kontrolin  ang  pulitika sa  Bauan.

Halos   18 taon na ang nakalipas.  Lugmok na ngayon ang dating naipagmamalaking Bauan. Kabi-kabila ang dusa ng mamamayan- mataas na singil sa ilaw at tubig, paupa sa palengke, prangkisa ng tricycle; masikip na daloy ng trapiko; sinalaulang plaza; ginibang munisipyo; at lubog sa utang o pagkakasanla ang Bauan. Balak pa ring gibain ang ilang makasaysayang istruktura, gaya ng Bauan East Central School.

Maging ang kultura ng Bauan na  inyong pinagyaman ay tila isinantabi  na.

Pasarap naman sa kabi-byahe sa ibang bansa ang mga opisyal ng munisipyo. Balita pa ang luho ng ilang matatas na opisyal.

Laganap  din ang brutal na patayan na ang mga biktima ay mga anak din ng  Bauan,  kabilang  sina August deJoya  at Mei Magsino (bagama’t  sa labas sya ng Bauan itinumba), at maraming iba pa. Isa pa nga  sa mga ito ay ang pagpatay sa  isang tao sa mismong malapit sa session hall ng  Sangguniang Bayan kung saan walang pumansin sa duguang  nakalugmok na biktima gayong may  malapit na  ospital kung  saan pwede syang   itakbo. (Ganyan din ang nangyari kay Mei kung  saan  pinabayaan sya ng mga pulis na nakahandusay sa kalsada ng ilang oras kaya nasunog ang balat). Brutal, malupit, lantaran na para bagang iisa ang grupo o mga taong gumawa!

Mahal kong Ka Pakito, alam  kung wala na kayo sa pulitika at matagal na, subalit sa mga nangyayaring ito, nais ko kayong tanunging muli – ngayong binura  na halos ang  mga  pinaghirapan nyo at ito ay inyong nasasaksihan, paano nyo po gustong maalala ng inyong bayang pinaglingkuran?

Lahat po tayo ay  lilisan sa daigdig na ito, at habang  may magagawa pa tayo sa munting paraan, lalo pa kung ito ay may kaugnayan sa inyong pinagpagurang itatag at ipundar, hindi kaya  marapat lamang na makarating  sa inyo ang  paghahanap ng  kalinga ng inyong bayan? Bilang isang nakatatandang pinuno, mahalagang malaman ng mga mamamayan ang inyong pananaw sa mga kaganapan.

Maraming salamat po.

Lubos na gumagalang,

Nomer BONG Macalalad

Bumangon ka Bayan ng Bauan

SA BAUAN LAANG (ONLY IN BAUAN)!  -    (copied from FB post of Chito Mandanas, Nov. 30, 2015)

Anong Bayan sa buong Bansa o' maging sa buong mundo na walang Municipal Hall nang mahabang panahon? Inumpisahang ipagawa noong Hulyo 2015 makalipas ang halos 5 taon dahil malapit na ang eleksiyon ngunit mabagal pa sa lakad ng pagong ang gawaan.

Anong Bayan ang may naturingang Pambayang Ospital ( Bauan General Hospital formerly Bauan Community Hospital a. k. a. MEDICARE) pero kapag kakontra ng Mayor sa pulitika ang hihingi ng tulong ay pinagkakaitan?

Anong Bayan sa buong mundo na ang Ambulansiya ng pampublikong ospital ay sa garahe ng bahay ng Mayor nakatambay sa halip na sa mismong compound ng ospital?

Anong Bayan sa buong Pilipinas na may Technical High School para sana sa lahat ng mga matatalinong bata pero walang kakayahang pinansiyal ngunit ang nangyayari ay pagkakontra ka nila sa pulitika, lumuha ka man ng dugo ay hindi tatanggapin ang matalino mong anak?

Anong Bayan sa buong mundo na walang Liwasan o' Plaza na pwedeng pasyalan at pagdausan ng mga piging o' mahahalagang okasyon ng Bayan?

Anong Bayan na ang malaking "covered basketball court" ay inilipat sa isang Barangay sa halip na nakatayo sa mismong kabayanan?

Anong Bayan na naturingang Class "A" Municipality pero nahirapan o' nahihirapan makakuha ng "Seal of Good Local Governance" galing sa Department of the Interior and Local Government?

Anong Bayan ang Class "A" Municipality pero walang "tranparency and accountability"?

Alam ng mga tugang Bauangueño ang kasagutan ngunit ayaw alamin ng mga Bauangueñong nagbubulagbulagan at nagtutulog-tulogan.

Panahon na upang masapawan ng mga tuga ang mga hindi tugang Bauangueño upang ang nag-iisang kasagutan sa mga tanong ay tumiim sa isipan ng lahat ng mga Bauangueño at magkaisa tungo sa pagbabago ng Bauan.

Sino si Chito Mandanas?

DATING MASUGID NA TAGA SUPORTA, NGAYON AY KRITIKO NA.

Ako po ay dating tagasuporta at nagtatanggol pa kay Herminigildo J. Dolor sa mga bumabatikos at pumupuna sa kanya noong talunan pa at maging nang manalo na at hanggang sa ikalawa niyang termino. Noong talunan pa po siya, simple at mapagpakumbaba po siyang tao sampu ng mga anak niya na ang dalawang nakababata ay pareho na po ngayong pulitiko na kagaya niya. Nakumbinsi po ako ng kanyang pagkamasa at magandang mga plano noon sa Bauan. Magandang mga pangako na kinagat at pinaniwalaan ng maraming Bauangueño at isa ako doon.

Ito po ang ilan laang sa mga magaganda niyang pangako :

"Babaguhin ko ang pulitika sa Bauan. Pagkatapos ng eleksyon ay magiging magkakaibigan ang lahat. Walang titingnan at tititigan. Patas sa lahat ang gagawing pagtulong"

"Papagatin ko ang ang mga drug users at drug pushers. Tumago na sila sa kanilang pinanggalian at kakastiguhin ko sila".

"Wala ng Mayor na magmumura at magtutungayaw kagaya ni Ka Pakito Castillo".

"Hindi ko gagamitin sa pamumulitika ang Bauan General Hospital (dating Medicare kung tawagin), Bauan Technical High School, at lahat ng mga pag-aari ng Bauan"

"Hindi ko gagamitin sa pamumulitika ang pagbibigay ng pwesto sa palengke at pagbibigay ng prangkisa sa mga tricycle operators".

Pinaniwalaan at inasahan ng mas nakararaming Bauangueño si Herminigildo J. Dolor sa mga ipinangako at isa ako doon.

Pagkatapos ng unang termino at pagkapanalo niya ng "landslide" noong pangalawa niyang termino napansin ko na po ang malaking pagbabago sa katauhan nilang mag-aama at pagkalimot sa mga pangako sa sambayanang Bauangueño. Dito na po ako unti unting kumalas at sumama sa oposisyon at naging kritiko na ng Dolor. Ni isa sa mga pangakong nabanggit ay wala pong natupad.

Sa pagkakataon pong Ito ay mas lalo kong hinangaan si Atty Johnny Magboo sa kanyang paninindigan na manatiling oposisyon magpahanggang ngayon. Sa mga dating kasamahan ni Atty Johnny na naglipatan sa malambot na kama at sumapi sa Dolor, ang mga tugang Bauangueño na laang po ang maghuhusga sa kanila sa darating na Mayo 9, 2016. Kilalang kilala po ninyo sila....ang mga Dakilang Balimbing.

Ang akin pong pag-alis sa kampo ng Dolor at pagiging kritiko, ay patunay po laang na mas masarap pang mahiga sa matigas na sahig na kasama at katabi mo sa higaan ang mga nahihirapang Bauangueño kaysa lumipat at mahiga sa sobrang lambot na kama na ang mga kasama at katabi mo naman ay mga buwitre at buwaya.

ANO BANG NAGAWA NI KRISTINE BALMES?

Ang ipinagsasabi ng mga pabor sa pagpapatuloy ng Dinastiyang Dimacuha  ay hindi pa karapat-dapat maging Mayor si Kristine Balmes dahil wala raw itong nagawa. WALA NGA BA? Pwede po ninyong i-click upang palakihin ang mga larawan ng pagkukumpara sa ibaba. Ang nakapulang letra, ibig sabihin, dagdag pahirap - bayarin man o taripa, o pagrerepaso ng mga pahirap na ordinansa at resolusyon lalo na ang sa pagpasok sa mga kontrata at pangungutang ng pamahalaang lokal kung saan dehado ang mamamayan.

Marami pa akong ganito na mula pa taong 2011 hanggang ngayon, kung hindi pa rin kumbinsido ang mga tuta ng dinastiya at YES KONSEHALES. Sa susunod, malamang isa-isahin ko ang "performance of greed" ng mga ONSEHAL na ito.

KAYA SA DARATING NA HALALAN 2016, KAILANGAN NG MATALINONG PAGPILI. 

Bukal sa Aplaya, Bauan, aangkinin ng Aquadata?

Pahirap ang dinastiyang Dolor (na suportado ni Abu) sa bayan ng Bauan. (Hindi pa nga raw tumutugtog ang kanyang tiyuhing si Dolor, SUMASAYAW na si ABU, tuma-tumbling pa!).

Matapos ibenta nang walang malaman o mapagbatayan kung may kinita ba o wala ang munisipyo, ang serbisyo ng patubig ay monopolyado ngayon ng isang kumpanya, ang Aquadata (sino kaya ang tunay na may-ari nito?).

Mula nang mag-take over ang nsabing kumpanya sa serbisyo ng tubig sa Bauan, lumundag ng mula 100-200% ang singil nito sa tubig. Kaawa-awa ang mga retirado na datihang nakakayanan pa ang P500 buwanang bayarin na ngayon ay umaabot na sa P3,000. May mga napaulat pa na mabilis na takbo ng metro dahil maski solong consumer, lumalagpas sa minimum consumption na 10 kubiko metro kada buwan (ano yun araw-araw isang drum ang paligo at 100 litro ang iniinom?)

Marami ang nagtataka - libre ang pinagkukunan o source o bukal ng tubig sa Bauan, walang kailangang mahal na bayaran sa Estado o pribado mang supplier, dahil sagana sa tabang na tubig ang ilalim ng kalupaan ng Bauan. Ngunit tila iginigisa sa sariling mantika ang mga taga-Bauan.

May ulat pa, na ang lugar ng may akda ng lahat ng pagdurusang ito na si Hermie Dolor (dolorosa o dusa sa Latin), sa barangay Aplaya, isang bukal ng tubig na halos 200 taon na pinakikinabangan ng mga taga Aplaya at karatig lugar, malamang na sakupin na rin ng Aquadata. Ito ang Tarcina, bantog sa kanyang napakasarap at sariwang inuming tubig, himalang maski malapit sa tabing dagat, ay nananatiling tabang at masarap sa panlasa na animo'y mineral water. Bagama't maaari ngang mineralized ito at nagtataglay ng mga mineral na lubhang kailangan sa kalusugan ng tao. Maski ito HINDI PATATAWARIN ng kasakiman.

Ito ang isa sa DUSA ng bayan ng Bauan sa ilalim ng Dinastiya. Kaylan ka magigising at lalaban BAYANG TUMATANGGING MAMATAY (the Town that Refuses to Die)? Huwag mong sabihing isang dating sarhento lamang ang LULUPIG SA IYO???

Giant Nani Perez vs Pawit-wit? - most interesting congressional race in Batangas City

The congressional race in the 5^th District (Batangas City) is very interesting, in a sense that a former political giant is running against neophytes and political nobodies.

Apologies as this will just be my initial observation because in fairness to other candidates, like Danilo Berberabe (DanBer), younger brother of the late Bokal Jun  Berberabe who I still have to research on; and my  declared   bias against the Dimacuha dynasty or any dynasty for that matter that I  do not wish to say more  against its son-in-law   Marvey Marino, at least   not yet; and respect for an old friendship with Philip Baroja who  is  unfortunately a  creation of the Dimacuha  dynasty  and apparently  a pawn  of a new  power play within the crumbling dynastic family;   my conversation in this blog would be   limited to drawing  a  parallelism  between  the  giant Nani  Perez  and the political  self-declared “pawit-wit”  or small  fry,  Carlito Bisa.  Sila din  laang naman   yata ang naglalaban  eh?

Pero kwidaw -   may  sakit   akong hindi mapigilang mag-ingay hehehe.

HERNANDO “NANI” PEREZ

Sir Nani (he was my law professor) has been good to me, in a sense that he mediated between me and Eduardo Dimacuha sometime in 1993 when I was still a cable TV journalist. I have always thought that he prevented EBD, his kumpare from harming me. My branch manager Ed and I were summoned by Jun Magsaysay, later Senator, who owns Batangas CATV (he actually pioneered the industry in the  country) in his Makati  headquarters, and told us to see Majority Floor  Leader Hernando Perez  at the House of Representatives.  We arrived there a little bit in the  evening and  were ushered to  a very big   office,  and listened  to  floor deliberations through piped-in monitor  (my  first time to  enter the Batasan). I think it was past 8pm when Ka Nani came to his office from the session hall and attended to us.

He  knew me because  it was not the first time  we were  seeing  each  other (a few weeks or months  earlier, his staff knocked in my apartment in Brgy. Cuta very early in the morning to  say,   the   Congressman  wanted  me  to interview  “someone  important”  for   my cable TV shows.   So early yet I obliged to come to the studio in   Brgy. Alangilan, Batangas City.

And wow, you know who was with him?  It was the beautiful, petite, daughter of a former President and DTI Undersecretary in-charge of the Fiber Industry Development Authority (FIDA) -  yes, Gloria  Macapagal-Arroyo. They rode on Ka Nani’s Pajero,  followed by another  car of security  personnel. And so I asked him, “ang aga nyo  po, saan kayo  galing?”  And he said, “sa Mabini” with  a smile  (need  I ask  for  more?)

I was quite rattled in the presence of his “guest”, but regained my composure, started setting up the interview, and grasping for words, I said, “you know what mam, I am an admirer of your dad, former President Macapagal?” Little did I realize that I was too young to know her dad being a martial law and Marcosian era baby!  Well, anyway, one has got to do what one has got to do. So I did the interview and either Mrs. Arroyo was too brilliant and I was too ignorant,   but I was not impressed with her answers to my questions. Anyway rest is history, she placed 13^th in the 1992 senatorial race for her   first 3 years in the Senate, but ranked first the next senatorial elections for a full 6-year term, became VP and President for 9 years.

Going back to my first meeting at the House, Sir Nani started   the conversation, “Utoy, galit na galit sayo  si Pareng Eddie   eh, kaya ang sabi ko ay kakausapin muna kita.” And a few other details were discussed. But when he suggested  that I go and see  EBD,   my  naiveté surfaced  when I blurted,  “Eh   galit pala ho sa akin paano ko kakausapin?” Well, the nice Ka  Nani  was very  patient to me,  took out a  piece of his stationery and scribbled some notes “Dear Pareng Eddie.” Rest is history again.

So why the introduction?  Because  I do  not want anyone  to think  that I have anything  personal  against Sir Nani.  My political views are based on what I think are pure, simple and plain truths any other person can see.

Ka Nani  has been  up  there, and we all revel in the heights he conquered  -  bokal, opposition  Member of the  Batasang Pambansa, Minister of  Transportation   & Communications, Majority Leader, Deputy Speaker, and Justice Secretary.  No one can match   him in what he has achieved, even now as President of my Alma Mater, University of Batangas   (he was also Law Dean,  Book  Author and Professor still). 

But Sir  Nani has also  been a villain  -  he has  faced, though  conquered a lot  of accusations of graft and corruption;  has had  a fair share of scandals, including  with Jolly Benitez,  erstwhile  right hand man  of  Imelda  Marcos   in  the Human Settlements Ministry;  scandals that sent him  to an  abrupt political furlough  and resigned in disgrace as DOJ Secretary of  GMA  because of  allegations  of extortion and abuse of  power.  In addition, media reports were replete of his bravado, flamboyance and feisty demeanor (typical  Batangueno,  abogado   pa!) But all these he can say, I have conquered them all.

So why the comeback to the limelight at the age of 76? Why not, why Enrile?  Oh yeah, Enrile!

So his “political resurrection” is really a big subject of speculations and suspicions.  Is he out to rehabilitate his stained national image through the best venue he has mastered -   Congress?  His media statement  - “I AM  TOO  OLD TO THINK OF MYSELF”   -   caught  my  attention.  I know I   will never win a discourse against a good lawyer, but what did he mean by that? That he thought much of himself before, but now ready to think of his City  and Country?

He could have been a Senator,   Vice President or even President before,  if…  Unfortunately,  that was  not the case.  So should Batanguenos give him this belated chance again?

CARLITO “LITO” BISA

I got to know the guy better through my slain friend, Mei Magsino. She was an avid fan of him because he stood   his ground against the Dimacuha  Dynasty when there were still very  few of us fighting it at the risk  of our lives.  And he never budged ever since.

He’s got no political position of the past  to speak of, nadaya eh paanong gagawin? Many people even think that he does   not have the pedigree befitting the title “Honorable Congressman” because he is too gutter-level minded, straight talker and too mass-oriented  (maka-masa at maka-misa).  But maybe he might just reject the Honorable title if he wins knowing how much horror  that title  has wrought us throughout history.

But take a second look, this ex-seminarian is no lightweight. He is actually  an acknowledged  unionist ,  sans the negative connotation, because  he is National  President of the Federation of Employees’  Unions of  the  biggest bank  in  the country – BPI.   Kaya masa na, maka-manggagawa pa. Kaya yung  habla ni Atty.  Teddy Deguito sa Bangko Sentral laban sa kanya para pisilin ang BPI na tanggalin sya ay  isang  suntok sa buwan dahil HINDI GANUN  KADALING  KUMILOS ANG ISANG EMPLOYER  LABAN SA PINUNO NG  ISANG  UNYON  (ano sinuswerte eh  di nagkagulo?) I know, because I am an employer panel negotiator with unions.

He   maybe a rank  and file employee of the BPI  branch in Batangas City but he is  a  primus  inter pares (first among equals),  also being President of the BPI Employees Union of the entire Southern Tagalog Region. So that explains the fierce and brave stand on anything. When he joins Congress, expect him to fight tooth and nail for the people.

And like me (allow me your indulgence as I want to compare myself with good people), he is an educator (Faculty member of several schools) and former editor/writer, and we both attended several graduate studies and law school, but didn’t finish. But tell you, finished or not,    what we learned are still there to guide and   make us the kind of fearless advocates that we are.

We are both against political dynasties, but Lito’s proven advantage  - NAGAWA NYANG IHABLA ANG MGA DIMACUHA AT KASABWAT NA TAGA CITY HALL. Sino may ganyang tapang? Maski ako, wala.

And   so we are given a distinct privilege to choose our representative to the halls of  Congress, and for the first time as a lone district. Take your pick – ang dati o ang bago?

  

Pagpatay kay Mei Magsino at iba pa, hindi dapat kalimutan ngayong halalan - NBI at Police bakit ayaw magtulungan?

Katanghalian ng Abril 13, 2015, sa Balagtas, Batangas City pinaslang sa Mei Magsino

Karaniwan  nang bansag sa Batangas ang pagiging Murder Capital ng Pilipinas. Sa dami ng patayang nagaganap   sa buong Lalawigan, mangilan-ngilan lang ang masasabing naresolba ng mga awtoridad at naisampa sa hukuman upang panagutin  ang mga may sala.

Ang high profile na kaso ng pagpaslang sa amamahayag na si Mei Magsino noong Abril 13, 2015, mahigit 6 na buwan na. Mistulang blank wall pa rin ang status ng kaso. Sabi ng Batangas PNP, mayroon sanang progreso kung nabigyan lang sila ng NBI ng kopya ng CCTV footage na hawak nito para ikumpara sa hawak nila. Ang NBI naman hanggang ngayon walang sinasabi, bukod sa naunang tiningnang love triangle na wala namang kinahinatnan.

Bakit ganito ang sistema ng ating law enforcement? Noong sinabi nila na iimbestigahan nila ang mga local officials na posibleng may motibo, nagawa ba nila o TAKOT SILA?  Bakit kapag ang anggulong yan ang binabanggit, para silang IWAS PUSOY?

Malapit na ang halalan, hindi  maiiwasang maging isang POLITICAL ISSUE ang bagay na ito - UNA, upang ipaalala sa lahat  na  TALAGANG MAY MGA MAMAMATAY-TAONG PULITIKO SA BATANGAS.

IKALAWA, napakahina ng ating law enforcement agencies. Tila walang kakayahan -  BAKA DAPAT PALITAN SILANG LAHAT AT SA MALALAYO IDESTINO ANG MGA PULIS NA TAGA BATANGAS upang maiwasan ang PAGTATAKIP? Doon sila ipadala sa conflict areas ng Mindanao!

IKATLO, NASAAN NA ANG PANGAKO NG MALAKANYANG na reresolbahin nila ito at WALANG SISINUHIN?

NASAAN na ang mga kaibigan ni Mei na sina  Gov. Vilma Santos-Recto, at ang umano'y pagtulong  ng asawa nitong si Sen. Raph Recto gayong may mga kapangyarihan at impluwensya sila upang i-pressure ang mga kinauukulan na gumalaw?

NASAAN na ang matalik na kaibigan ni Mei Magsino na si Kap. Bart Blanco ng Balagtas, Batangas City kung saan pinaslang si Mei? Ngayong kandidato sya  sa pagka- Bokal, ano ang kanyang masasabi sa bagay na ito? Hindi baga't malapit sya sa mga Recto, bakit di nya magawang ipaalala ang bagay na  ito  sa kanila?